#عكانت – ابو عكا
عكا: الى جميع أهالي مدينة عكا الأحباء كل عام وانتم بالف خير… بكرا العرس الانتخابي الديموقراطي، زي متعودنا دايما احنا امنختلف بالآراء او ما امنختلف على حبنا واحترامنا لبعض او على حبنا لمدينتنا عكا.
انا ابو عكا اخوكم الصغير المتواضع اطلب من الجميع وغدا الانتخابات بالتوقف عن التجريح والذم والتهديد، عبر صفحات الفيس بوك فيوم الانتخابات يوم وعكا واهلها دوم.
والرجاء عدم الانجرار وراء القيل والقال وعدم الجري وراء العصبية الحزبية او لاي قائمة ففي النهاية جميعنا اخوه، فتحملو بعضكم بعضا او صحتين يلي بوخد كراسي اكثر من القائمتين والمهم العمل من اجل مصلحة البلد اللي عم بضيع من ايدينا يوم بعد يوم.
او بالنسبي للي بدنش يصوتوا فرجاء فكرو بالموضوع مره ثاني، مهم جدا انو انكون ست اعضاء او مش خمس اعضاء في البلدية… وشكرا الكم…
* ملاحظة: الكثير يسال مين انتي يا ابو عكا؟
انا شاب عكي الاصل بسكن في حارات البلدة القديمة متزوج وعندي خمسة ابناء بشتغل في العمار وزوجتي قاعدي بالبيت، تعلمت حتى الصف السادس، او ما تواخزوني لانو لغتي العربيه ضعيفه…..
