#عكانت – عاشق عكا
عكا: والله مستحي، عن جد مستحي احكي بالموضوع بس الاشي زاد عن حدو او بطلت غادر اسكت، مش معقول اعمال السرقات اللي عم بتسير لحجارة عكا في المباني الاثرية والبيوت القديمة حتى الحجر عم تسرقو ؟
يعني بكفيش الدوله سرقتلنا اراضينا او بيوتنا كمان احنا العرب عم نسرق الحجاره والعمدان الاثرية الي عمرها اكثر من متين سنه او هيي رمز لاهالي عكا اللي اتهجرو او عاشو هون.
لا البلدية ولا شركة تطوير عكا ولا البوليس مهتم بالموضوع او اكيد بعرفو مين بس امغمضين عنيهن زي امغمضين عنيهن على تجار المخدرات كمان. لو كانت السرقة من شي محل اثري لليهود كانت قامت الدنيا او ما قعدت بس للاسف حضاره اسلامية وعربية مش مهم تنسرق او تدمر.
من شان شويت مصاري اخوانا عم بسرقو تاريخنا وآثارنا او ببيعوها لليهود… حسبي الله ونعم الوكيل…. او كل عام وانو بالف خير….
* ملاحظة: الكثير بسال مين انتي يا عاشق عكا؟
انا شاب عكي الاصل بعشق مدينتي عكا، بسكن في حارات البلدة القديمة متزوج وعندي خمسة اولاد وبنات بشتغل في العمار وزوجتي قاعدي بالبيت، تعلمت حتى الصف السادس، او ما تواخزوني لانو لغتي العربيه ضعيفه بس ما بغدرش اسكت على الغلط والظلم….
صور لاعمال سرقة ونهب الحجارة العربية من المنازل العربية في مدينة عكا….
