هاي مِش سكّين

لكلّ الي مِش عارفين,
هاي مِش سكّين,
لكلّ اللي مِش فاهمين!!
هاي الطفوله اللّي راحَت مِنّي!
وهاي البَراءَه اللّي سَرقوها مِنّي!
وهاي اللّعبي,
وهاي المخَدّي,
وهاي الصُّحبي,
وهاي العِدّي,
وهاي الحارَه,
وهاي بيت جدّي!
وهاي فرحَه, وهاي دْموع,
وهاي بَقايا مِن عَقلي المشتَّت والمَشغول بالعَودي!!!
هاي اللّي بإيدي مِش سكّين,
بَس الإحتلال حَوَّل حِلمي اللّي عِشت مَعو سْنين…
لسكّين بيَدّي….!

بقلم: أزهار أبو الخير- شَعبان.عَكّا