كل شي احسن من انسان
يا ويلي ما اصعب نسيانه
وينه هالبيت اللي كان
راح وضلو عنوانه
شو بدنا بهذا العنوان
ولا بدنا البيت اللي كان
شلعت قلبي هالسكان
ياللي كانوا سكانه
الحاره بتبكي وزواريبا
ودموعها ملت مزاريبا
وهالعلبه بتنطر مكاتيبا
شو رح ينفع عنوانه
بعدا عكا بتبكي دموع
وسورها عمبصرخ موجوع
راح الغالي وما في رجوع
وعكا بكيت منشانه
كيف بدنا ننسى الغوالي
ولحظه ما فارق خيالي
ابداً رح تبقوا ف بالي
وبقلبي اللي جن جنانه
كل شي احسن من انسان
يا ويلي ما اصعب نسيانه
كلمات مظهر خلايله
عكا
