بين حانا ومانا !!
انقضَت السِّنة وهَالبنت بتستنىّ بزمانا
تيجبلها كِلمة حَق أو حَتىّ خيط رَفيع يهَدّي أحْزانا
انقضَت السِّنة وهَالأم المَصدومي بتبكي وتتوجَّع
عَلى بنتها الليّ راحَت ضَحيّة هيّ وجوزها وجيرانا
انقضَت السِّنة والأهل والأحباب
ناطرين أي جَواب
ناطرين خبَر صغير
أو ينكشِفلو شي سِر خَطير
انقضَت هَالسِّنة وكيف انقضَت ما حَدا عارف
انقضَت السِّنة والكلّ خايف
يمُرّ الوَقت ويمشي
وتروح القضيّة بين حانا ومانا…
بقلم: أزهار أبو الخير- شَعبان. عَكّا
