بدنا نصوت مش بالايد
بس مصوت عالاكيد
مرشح حاله ومنتخبينه
الله يبارك الله يزيد
مش عارف لمين نصوت
عمنتناقش عمنخطط
فكري سري بقلبي اكبت
كل يوم بطلع حزب جديد
بدنا نصوت مش بالايد
بس مصوت عالاكيد
فرجينا مره انجاز
بلكي صوتنا ان جاز
رح نفرح لو حزبك فاز
ونملي الدنيا زغاريد
بدنا نصوت مش بالايد
بس مصوت عالاكيد
كل مره بتعطينا وعود
ومنفرحلك بلا حدود
وبالاخر على الله تعود
وبتبلش فينا تجريد
بدنا نصوت مش بالايد
بس مصوت عالاكيد
رح زرق ورقه بيضه
او اسحب عالغميضه
بلكي عوضنا عويضه
مع انه بضحكلي كيد
بدنا نصوت مش بالايد
بس مصوت عالاكيد
كلمات: مظهرخلايلة
عكا
