امي طير وفوقي يرفرف
امي عيني امي قلبي
امي طير وفوقي يرفرف
بتحصر دمعتها وتخبي
بتدفع دمها وعمرا يكلف
امي العين اللي بترشدني
امي القلب اللي معيشني
امي المي اللي بتنعشني
انا نبته ومن دونا بنشف
امي طير وفوقي يرفرف
تسع تشهر في حملت
امي تعبت امي ربت
يما الجنه تحت أقدامك
متل المصحف فيكي منحلف
دمعة عينك يما غالي
لاجلك يما يرخص حالي
تبكي يما الدنيا كلها
ولا دمعه من عيونك تذرف
امي طير وفوقي يرفرف
وينا امي تقوم توقف
ترفع ايدا وحالا تعرف
شوفي الناس اللي بتزقف
بتزقف على جهدك يما
ومش لعيوني عمبتزقف
هاي الام اللي ربتني
هاي الام اللي بتشرف
وبرضه الام اللي بتربي
مش بس الام اللي تخلف
امي طير وفوقي يرفرف
كلمات: مظهرخلايلة
عكا
