كذبة نيسان
شعري مقدم للاخوان
قصة واقع مش كذبه
كان يوم بأول نيسان
واشتهرت فيوا الكذبه
ومحسوبك عامل فنان
حب يجربها لعبه
في جاري ابو سليمان
عيان بحاله صعبه
قلت من الزلمه العيان
رح ألف عنه كذبه
رحت اركض للنسوان
وقالوا طلع شو مخبي
قلتلهن ابو سليمان
صابوا بالقلب نوبه
بالواجب قاموا النسوان
صراخهن بالدنيا معبي
كاس يمر عكل الناس
حوله الله يا ربي
يرحمك يا ابن الجيران
واحلى موقع بالتربه
وصل الخبر ع البنان
وعملوا من الحبه قبه
ما بتستاهل يا اخوان
بعقلي قلتلهن كذبه
من شرقي هل الجثمان
والعالم كانوا بغربي
ومحسوبك وقف حيران
والله وقعنا بهيك طبي
رعشة جسمي والابدان
يا عالم رحنا بشربه
قصة فني والفنان
يجرب متلي هيك لعبه
عذرا مني يا اخوان
اعطوني مهله حبه
هاي اول كذبة نيسان
وشعري اتألف من كذبه
كلمات مظهر خلايله
عكا
