يا إمّي اشتقتلك كتير
شو عاملي عغيابي
يا إمّي بعرف بعد بكير
بس هاد هو نصيبي
يا إمّي ما تفكيريني ناسيكي
أنا كل يوم بفكر فيكي
أنا روحي دايري حواليكي
إنت ومرتي وأحبابي
يا إمّي توجعت بليلتها
وما قدرتش أنطق أسمك
سامحيني يا إمّي
بعرف إنو كنت كل همك
حاولت يا يمّا وحاولت
والموت لآخر نفس حاربت
بس قدري مكتوب والحمد لله تشاهدت
غدروني يا يمّا من غير ذنب
وقتلوا موسى من غير رحمه ولا قلب
احتسبينا يا إمّي عند رب جبار
وهو راح يكشف اللي قام بالذنب
ربنا كبير يا إمّي ما في أكبر منو
قادر على كل شيء والحق راح يبينو
يا إمّي طمني أخوي وخواتي
وهدي أبوي وعماتي
وصبري خوالي وخالاتي
وجيراني والكل
يا إمّي ضمي أحمد وحني عليه
وعيشي لمريم وما تنسيها
يا يما مرتي غالي علي
بقربك خليها
وحبيها يا إمّي مثلي حبيها
وقويها يا إمّي وعلى فراقي صبريها
يا غالية أنا مرتاح
اطمني وارتاحي
الجنة محتاجي مفتاح
صبركو ودعواتكو هني مفتاحي
بقلم: أزهار أبو الخير- شعبان. عكا
