يا خَيّي….

يا خيّي,
إنت يا كل الوَجَع,
مِش راح أبكي بَعد اليوم,
بَدّي صَوتي ينسَمَع…
بَدّي حَقك يبان,
بَدّي تظهَر الحَقيقه,
بَدّي يتعاقب كل إنسان,
سَرَق مِن شفافنا هالضّحكه البَريئه…
ما بَدّي أقعد ونوح,
وألطم عَحالي,
ويكون صَوتي مَجروح!
وحالي تبكي حالي!!
بَدّي قوم كِرمالك..
وحارب يا خيّي,
هَالجَريمه البشعَه,
وأكشف حَقايق مَخفيّه..
ارتاح يا قطعَه مِن القلب راحَت,
اطمن يا غالي, ريحتك المعَطّرَة فاحَت!
ومَلّت هَالدّنيا بَسمات,
والحَقيقه بانَت ولاحَت,
واللّي ترَك هَالبَصمات!
راحَت عَليه يا خيّي راحَت…

بقلم: أزهار أبو الخير- شَعبان.عَكّا