بقولوا الحرب عالابواب
وشكلوا الليله في ضرب
شو نعمل يا ابو الشباب
حطونا بموقف صعب
بحبشنا عالكمامه
وطولناها من الكرتونه
مدام القصه حامي
تنعبي الغرفه موني
جبنا علب وقناني
يا رب تكون بعوني
من خوفي ارتبط الساني
وحسيت بوجع القلب
قالوا الحرب عالابواب
وشكلو الليله في ضرب
غفينا نهدس بالزمور
وحلمنا انه زمر
نزلنا عالملجأ بالدور
وجهي من خوفي احمر
كرمال ولادي مجبور
مش وقته اعمل عنتر
خلي هالطابق مستور
من فكري عقلي تعب
قالو الحرب عالابواب
وشكلو الليله في ضرب
بدنا نحل القضيه
لازم نقعد نتفاهم
يكفي ال راحوا ضحيه
ومش حرزانه نتخاصم
اللقمه بتكفي ميه
لو قررنا نتقاسم
بالطريقه السلميه
ولازم توقف هالحرب
قالوا الحرب عالابواب
وشكلو الليله في ضرب
كلمات: مظهرخلايله_عكا
