ابو عكا: فكركو بلشت المشاكل في عكا القديمه بين العرب واليهود؟

 

ابو عكا:

بحب اقلقو عملية بيع البيوت لليهود في البلده القديمه بلشت تقلب على العرب، مثلا اليوم في حارة الشيخ عبدالله سيده يهودية (يمكن المهندسه اللي ابتشتغل في الكنيس) كيف قالولي، المهم هاي السيده فتحت صوتها على الجاره القاعده على الشباك لانها عم بتقصقص بزر او بتزت بالحاره من الشباك….

طبعا انا ضد توسيخ الحاره بالبزر، بس في طريقه كيف تحكي هاي السيده اللي اممفكري حالها شرت البلد القديمه، او اتصلت بالبلديه او اجا مراقب البلديه او صور الشباك اللي قاعدي عليه السيده العربيه وهدد بتحرير مخالفه.

مش هون المشكله… المشكله انو الحاره امعفني والبلديه مش عم بتنضفها (شوفو الصور المرفقه) اشي بخزي ومعظم هاي الاوساخ من عمليات الترميم في الفنادق الجديدة للمستثمرين اليهود.

مش هون المشكله صدقوني…. المشكله انو احنا العرب بعنا بيوتنا او فوتنا اليهود بيناتنا او صاروا يتحكموا فينا… بحب اقلكم الوضع في البلده القديمه اصبح آيل للانفجار قريبا…

اليوم لولا شوي كانت صارت مشكله كبيره…. الله يهدي البال…

بس حبيت اقلقو انو الوضع قابل للانفجار باي لحظه…. اليوم البزر المره الجاي حبل الغسيل اللي بعدها الموسيقى العربية…

الله يهدي البال…. بركي ابتصحوا من النوم عاد او بتوقفوا في وجه السماسره اللي عم بيجبولكو المشترين اليهود الدفيعه…..

 

* ملاحظة: الكثير يسال مين انتي يا ابو عكا؟ 

انا شاب عكي الاصل بسكن في حارات البلدة القديمة متزوج وعندي خمسة ابناء بشتغل في العمار وزوجتي قاعدي بالبيت، تعلمت حتى الصف السادس، او ما تواخزوني لانو لغتي العربيه ضعيفه…..

 

 











guest
0 تعليقات
التقيمات المضمنة
عرض كل التعليقات
جديد الأخبار