ابو عكا: شو اساوي انا؟ السماسره العرب مخلوش بيت بعكا القديمه الا مبعوه او حولو لليهود

 

#عكا

عكا: يعني بدي اقلكو بصراحه السماسره في عكا العتيقه عم بشتغلو ليل نهار على بيع البيوت لليهود كرمال شويت مصاري للجيبه، بس حدا يقول بدي ابيع البيت او الدكان، اركاد بيجو لعندو او بدعو انن بدن يشترو الدار لالن او ببلشو خلع صور لكل شباك او باب او زاويه بالبيت حتى يحولوها للمستثمرين اليهود هيك قلي فلان من دون ذكر اسامي، او بالآخر باع لليهود لانن دفعو بالدار بدل 300 الف شيكل 900 الف شيكل.

 طيب شو العمل العرب الهبل اجو من خارج عكا او شروا نص عكا الجديده بريت الاسوار للاستثمار او كحلونا احنا اهل عكا لانن ضاعفو اسعار البيوت بالبلد، واليهود الشاطرين دابكين يشترو البيوت بعكا القديمة داخل الاسوار للاستثمار لانو خلال اكم سنه عكا رح تكون لا اقل من رودس للسياحة في العالم، بصراحه بفكرو….

 طيب احنا شو انساوي نسكن في المكر وجديده لانو سعر البيوت ارخص والاجار ارخص، يا ويلكو من الله يا سماسرة، يعني بكفيناش شركة تطيير عكا القديمه او عميدار والمنهال كلن بعملو مخرزيم او سبحان الله دايما اليهودي بفوز بالمخراز لانو بحط مبلغ اكتر من العرب، حط عينك بعيني يعني بدك اتقلي انو مش ملعوبي فيها للمخرزيم؟

طيب شو موقف اعضاء البلدية العرب من هالمصيبه اللي صابتنا شو انساوي بدي اتجوز او معيش اشتري دار او معاشي على قدي بالعربي كحلوني…

 حدا عندو طريقه يساعد شباب عكا…..

 

* ملاحظة: الكثير يسال مين انتي يا ابو عكا؟

انا شاب عكي الاصل بسكن في حارات البلدة القديمة متزوج وعندي خمسة ابناء بشتغل في العمار وزوجتي قاعدي بالبيت، تعلمت حتى الصف السادس، او ما تواخزوني لانو لغتي العربيه ضعيفه…..

 

 

استعمال المضامين بموجب بند 27 أ لقانون الحقوق الأدبية لسنة 2007. يرجى ارسال ملاحظات لـ akkanet.net@gmail.com
استعمال المضامين بموجب بند 27 أ لقانون الحقوق الأدبية لسنة 2007. يرجى ارسال ملاحظات لـ akkanet.net@gmail.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جديد الأخبار