#عكانت – ابو عكا
عكا: يعني بالعربي اشي ببهدل وين ماكون بريت عكا بيجو يشكولي على الخاوه اللي بوخدوها في موقف السيارات بالفاخوره، يعني اتسود وجي بالناصره بكفرياسيف بحيفا وين ماروح بيقولولي مصطلين اجو او طلبو 20 شيكل تبرع على حراسة السيارة في موقف السيارات في حارة الفاخوره.
طيب مراقبي البلدية شو وظيفتهن والشرطة شو وظيفتها؟ انا بصراحة اتصلت كتير بالبلدية او بالشرطة، او في مره الشرطي مسكو للزلمي اللي بوخد خاوه او رجعلي على التلفون او بسالني مستعد تشهد عليه بالمحكمة؟
ملا حمار هالشرطي مانتي امسكتو مسك اليد او عم بطلب خاوه ليش اشهد ضدو عشان يطخ علي او يحرقلي سيارتي، يا جماعة بالعربي احنا اهالي عكا اتبهدلنا وين مبروح بيقوليلي “اهل عكا اخدو مني خاوه او بصراحة خفت مادفعش احسن ميخربولنا السيارة”.
انا بطالب البلدية والشرطة تحط حد لهاي المشكلة لانو سواد الوجي على اهالي عكا والصيط علينا، او هاي الخاوه بضر بالمصالح في البلد، او انا شفت موقع عكانت كتب عن هاي المشكله عدة مرات بس للاسف لا حيات لمن تنادي.
* ملاحظة: الكثير يسال مين انتي يا ابو عكا؟
انا شاب عكي الاصل بسكن في حارات البلدة القديمة متزوج وعندي خمسة ابناء بشتغل في العمار وزوجتي قاعدي بالبيت، تعلمت حتى الصف السادس، او ما تواخزوني لانو لغتي العربيه ضعيفه…..
رد بلدية عكا في مرات سابقة
وفي حديث لمراسل عكانت مع نائب رئيس البلدية المحامي ادهم جمل عقب قائلا “هذا امر غير مقبول ومرفوض بتاتا ومن العيب ان يتصرفوا هؤلاء الشباب بهذا الشكل ونطلب من الزائرين عدم دفع اجرة ايقاف السيارات لهم والاتصال بالشرطة او مراقو البلدية من اجل تقديم المخالفين للمحاكمة، والدفع بهذا موقف السيارات فقط عبر ماكنات خاصة للدفع ووضع الوصل على زجاج السيارات”.
