شوفني ياعيد…!
شوفني ياعيد
وخبر عني
أنا مش سعيد
الفرحة سرقوها مني
أبوي عني بعيد
وقتلوا أخوي وإمي
والدنيا عيد
ما همهن شو بهمني
شوفني ياعيد
وخبر عني
أنا مش سعيد
الفرحة سرقوها مني
قاعد لحالي كنت
مستني هدية
أو كلمة حلوة
أو حتى بسمة خفية
أجتني عيدية
من عبد صغير
ملان بالكراهية
قصف بيتي وأهلي
وحارتنا الهنية
بكيت وصرخت كتير
وما في نتيجة
لا أخوي الصغير سمعني
ولا إمي عم تيجي
شوفني ياعيد
وخبر عني
أنا مش سعيد
سرقوا الفرحة مني
قلط العيد وخلص
وأنا على حالي
لا نومي نوم
ولا هدي بالي
لا لعبت ولا انبسطت
مالي غيرك يارب مالي
تترحم حالي
الحمد إلك يارب
أنا هيك اتعلمت
أحمدك من جواة القلب
ولو حتى تعبت
أملي فيك كبير
ودعوتي إنشاء الله مجابي
أنا طفل صغير
إرحم أحبابي
وانصرنا يا الله
وخلي العيد
من جديد
يرجع ويدق بابي بقلم: أزهار أبو الخير- شعبان. عكا
