يا شباب
يا شباب الله فيكوا وكيل
انتوا سباع الحاره
عايشين بدولة إسرائيل
هاي الدولة بدها شطارة
تكنوش مهابيل
اقرء و افهم العباره
اذا ما بتدرس فمستحيل
يكون اسمك بالصدارة
و تعمل باصلك يا اصيل
ولا تدخن سيجاره
ولا بالقهوة اراجيل
ولا تشرب كالسكارة
كون شب وزنك تقيل
اركب اصايل مش حماره
قدامك السبيل طويل
بدك نشاط و مثابره
دير بالك من التضليل
تكونش نجس تميز بالطهاره
كون كريم كون فضيل
خلي عندك قوة جباره
كون قوي نفذ المستحيل
و طيٍر لفوق طيارة
و امشي لقدام كمان ميل
هندس و ابني عماره
وخلي عندك دايما كفيل
الجئ لو للاستشاره
ابوك و جدك الجليل
و ساعد ستك الختيارة
تكونش ناصح كلبرميل
استكفي بمنقوشي و خياره
ولا تكون كتير هزيل
فيق بكير بلا عزارة
انتي حلو مالك مثيل
اتربع على عرش الاماره
لابس و متعطر و شكلك جميل
بس لا تولع من شراره
كون شاطر وشغيل
و مليان نشاط و مهاره
تنور بالعلم كالقنديل
و صيد الرزق بالصناره
و تكونش زي المصاطيل
بقدروش يسوقوا سيارة
و راسك دايمن تقيل
انتي و صحابك سهاره
ترَوٍح تمشي وتميل
وتدركم بالحجاره
لا تكون بدك تعديل
و تفقع منك المراره
تمشيش بنص السبيل
كل صخره الها كساره
ان كنت شاطر بالتمثيل
اتعلم أتدق على الجيتاره
بتوخذ ميداليه و اكليل
و للشمس نظاره
عقلك لازمه تشغيل
ادرس جغرافيا و حضاره
لا ترضى و تستكفي بالقليل
خلي يومك ربح مش خساره
و انتي راكب بالأوتوموبيل
سوق منيح لا تسوق بقذارة
و انتي ما مثلك مثيل
على الغصن زي النواره
في ام دموعها تسيل
تعملش جكاره
بقلم خالد سعيد حتحوت شاعر عكا
حقوق النشر محفوظه
