المكونات
2 باذنجان كبير (مقطع شرائح بالطول ومشوي)
1 كوب جبنة كرافت قابلة للدهن
1/2 كوب جوز مجروش
1/2 كوب طماطم مجففة (مفرومة)
2 فص ثوم مشوي
1 معلقة كبيرة زعتر فريش
1 بصل كبير (مقطع شرايح ومكرمل)
- رشة ملح وفلفل
- زيت زيتون
…
طريقة التحضير
1 – نشوي الطماطم المجففة والثوم على نار هادية أو في الفرن مع رشة زيت زيتون لحد ما ياخدوا لون وطعم مشوي.
2 – نحط شرايح البصل في طاسة على نار هادية مع شوية زيت ونقلبهم لحد ما يتحول للون دهبي غامق وطري.
3 – نخلط الجبنة الكرافت مع الجوز، الطماطم المشوية، الثوم المشوي، الزعتر، والبصل المكرمل. نضيف ملح وفلفل حسب الطعم ونقلب كويس لحد ما يبقى خليط متجانس.
4 – نحط شوية من خليط الجبنة على طرف كل شريحة باذنجان ونلفها رول.
5- نرص الرولات في طبق التقديم، ونرش عليهم شوية زيت زيتون وشرايح زعتر فريش، وممكن نزين بشوية جوز إضافي.
