خالد حتحوت في محاولات زجلية

نظير شمالي

مواهب بين الاستمرار والانقطاع
لعلّ اكثر الناس حاولوا طرق نوع او اكثر من أنواع الفن والادب، ففيها تعبير عن خلجات النّفس البشريّة، وفيها تعبير عن فكر او معتقد او قضيّة، وذلك بنقل رسائل عاطفيّة وفكريّة من المبدع الى المتلقي.
شخصيا ابارك واشجع هذه المحاولات الّتي قد تفرز تجارب ومواهب جيّدة في عالميّ الفن والادب مستقبلا، وقد لا تتعدّى محدوديّة المحاولات الّتي تؤدي مهمة آنية خاصّة في مجال التّعبير، ثم تقبع بعد ذلك في درج صاحبها.
بطاقة تعريف
السّيد خالد سعيد حتحوت/ أبو عمر يعمل نجارا وفي تصميم ديكورات البيوت والرّسم، وكذلك في كتابة الزّجل.
هو من مواليد مدينة عكا 27/5/1967. كتابته باللّهجة العاميّة يراها قريبة مفهومة من عامّة النّاس.
مقتطفات ونماذج زجليّة
واقتطف بداية بعض الابيات من زجليته "غلب حماري" والتي يقول فيها:
غُلب حماري من هادا جاري
إلي عليه شوية مصاري
وانا بالمّح له مش داري
بيفوت على داري لابس وانا عاري
والاكل اجباري بوكل افطاري
هو كتير انحشاري وبيضايق زواري
بيسأل عن اخباري بده يعرف اسراري
وقديس بربح من كاري وما بيصدق انكاري
بتصور لي عامل حاله مستشاري
اجاه قرشين ما سدّ الدين
وراح شاري سيارة فراري
ويقول على نسق اغنية "ترشرش":
مْورّد خدك يا ارشق من الغزلانِ يا بو العيون الولهانه
عودك يشبه غصن البان ما شفت زيك بزماني
مبسم كخاتم سليمان واحمر متل الرمانه
انا حبيتك من زمان ولحظك بسهامه رماني
بنار حبك قلبي شعلان بدي آكلك بسناني
يا ورده جوا البستان بالرقه مليانه
جميله كعرش النعمان وانا قلبي ماتور الماني
تيرشرش تيرشرش تكّ الماني

ومما يقوله في زجلية عن آفة المخدرات:
تلات سنين سجن وتنام ع تخت نتن
وضعك صار عفن هيك حكم عليك القانون
***
اخوك الصغير بيحبك كتير
حط لك كنتينا من مصريات التوفير
تجوز بكير وبيشتغل جرسون
***
امك بكيت عليك دموع والضغط عندها بطلوع
عذبت قلبها الرقيق الحنون
ابنك طويل وصار شب وصار ينحب
واقف بأول الدرب اصحى وفتّح العيون
***
بدو اب يوجهه من الخطر ينبهه
وهو محتار هادا زمن غدّار
والحياه جمر بالكانون
ابوك مرض ومات واخواتك البنات
بدهن زلمه يعطي وما يقول هات
وحضرتك مسجون
***
انت تغيرت ورجعت لورا وهجرت الولاد والمرا
من أي طينه انت معجون؟!
مرتك باعت غراض البيت بعد ما انت بالسجن ارتميت
ودهبها عند الصايغ مرهون
انفقد الخبز من بيتك ريتك تموت يا ريتك
اغسل ضميرك بالليفه والصابون
***
يا زلمي التم خلي عندك شوية دم
حاج تدخن بهالسم وتشم الي بتشم
مالك ومال الهم؟! عم بتديّن من الخال والعم
بعد ما صرفت اللي كان مخزون