توبوا يا عرب
بقلم خالد سعيد حتحوت شاعر عكا
توبوا يا عرب يوم الحساب اقترب
واللي انكتب غلب
هاي الأيام عم نشوف العجب
والبني آدم ابصر من ايش مركب
عم بركض زي الوحش ومغلب
والهم بنشرى معلب
ناقصنا الطور ينحلب
بنص الحاره قتال نشب
واجا البوليس والجاني انسحب
في اموات الغراب نعب
و واحد بوشو انشطب
على السلاح كتر الطلب
بسهوله بنشرى من النقب
عشان ينزلوا اتخن شنب
يا ويلو الي سرق ونهب
واذى الناس ما اجتنب
يا ويل ويلو الي انصطل وعمل شغب
وكسر وضرب
وعلى جارو قَلَب
ولي مش شاطر وبالامتحان رسب
وما عمل الي عليه وجب
وكان للبوليس دنب
هادا بيتو راح ينخرب
وما راح ينفعو مال او دهب
في الي على جارتو انكلب
وعليها انجذب
كل يوم عليها بتصبب
وفي الي الشر اجتنب
وبتصرف بادب
وفي بيتو انزرب
عشان غلبو التعب
قرشو بالحلال اكتسب
سافر لبعيد واغترب
عشان يتسبب
ولا مره كذب
او على حدا نصب
بصلي وبصوم في رمضان ورجب
هادا ما عليه عتب
كاسو عنب بنشرب
انا قاعد اتفرج عن كثب
وبكتب كلام ما انكتب
فقط عما نجب
وما بدي شهاده او لقب
وقلبي اتولع والتهب
منكوا يا عرب جرب
في ابن الحسب والنسب
لي القلب منو ارتعب
طخ ابن بلدو وجسمو ثقب
وبسيارتو بسرعه وثب
ودعس بنزين وهرب
وفتح الستيريو يسمع طرب
قل لي يا خيا شو السبب
وضعنا صابو العطب
القلب موجوع والدمع انسكب
وين راح نهرب من المرتقب
يوم الاخره ما راح ينشطب
كل اعمالك راح تنحسب
الله ما راح يضربك بشهب
في جهنم ذات اللهب
الي وقودها بني آدمين مش حطب
